Fimm í tangó

FIMM Í TANGÓ. Fyrir nokkrum dögum fór ég á tónleika í Landnámssetri Íslands Borgarnesi með hljómsveitinni Fimm í tangó. Áður en ég fór á tónleikana vissi ég ss ekki mikið um bandið, ég þekkti nafnið Tatu Kantomaa, og ég vissi að hljómsveitin spilaði aðallega finnskan tangó.´ Hljómsveitina skipa: Ágúst Ólafsson söngur, Kristín Lárusdóttir selló. Íris Dögg Gísladóttir fiðla, Ástríður Alda Sigurðardóttir píanó, og Tatu Kantomaa harmonika Tónleikarnir byrjuðu á tilsettum tíma, og strax í fyrsta lagi komu hæfileikar og leikgleði hljómsveitarinnar í ljós, kraftmikil söngrödd Ágústs og fjórir flinkir hljóðfæraleikarar mynduðu jafna og góða heild, eins og hin fullkomna efnablanda sem myndar sprengikraftinn. Manni fanns enginn einn standa hinum framar eða skyggja á meðspilendur sína. Viðtökurnar sem hljómsveitin fékk í Landnámssetrinu voru fræabærar og ætluðu fagnaðarlátunum aldrei að linna. Þegar fólk fór að tínast út spurði ég hljómsveitarmeðlimina hvort ekki væri diskur á leiðinni, þau brost vandræðalega og sögðu,,, þetta eru nú eiginlega fyrstu tónleikarnir okkar. Á leiðinni heim varð mér hugsað, svona tónlist vantar mig í geisladiskasafnið mitt. Þorleifur Geirsson.

Þorleifur Geirsson (Óskráður, IP-tala skráð), sun. 25. nóv. 2007